नेपालमा थप एक जनामा कोरोना (कोभिड–१९) को संक्रमण देखिएको छ । यो सँगै, संक्रमित संख्या तीन पुगेको छ ।
कोरोना भाइरस रोकथाम, नियन्त्रण तथा उपचार उच्च स्तरीय समितिका सचिव नारायणप्रसाद बिडारीले संक्रमित संख्या तीन पुगेको बताए । स्वास्थ्य मन्त्री भानुभक्त ढकालको सचिवालयले पनि संक्रमित संख्या बढेको जनाएको छ ।
टेकुस्थित शुक्रराज ट्रपिकल तथा सरुवा रोग अस्पतालले (आज) बुधबार थप संक्रमित देखिएको जनाएको हो । “टेकुमा फेरि अर्को बिरामी देखिएको जानकारी आएको छ”, मन्त्री ढकालका प्रेस संयोजक माधव तिवारीले भने । यसबारे थप जानकारी आउन सकेको छैन ।
मन्त्रालयले नेपालमा ६८७ जनामा गरिएको परीक्षण मध्ये तीन जनामा संक्रमण देखिएको छ । ती मध्ये एक जनालाई निको भएको छ भने दुई जनाकाे आइसोलेसनमा राखेर उपचार भइरहेकाे छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
