मकवानपुरको थाहा नगरपालिकासहित १० वटै स्थानीय तहका पर्यटकीय स्थलहरु बन्द हुने भएको छ । जिल्ला प्रशासन कार्यालय मकवानपुरले कोरोना संक्रमणको रोकथाम तथा नियन्त्रणको न्युनिकरणका लागि १२ बैशाखबाट मसान्तसम्म पर्यटकीय स्थलहरु बन्द गर्ने निर्णय भएको हो । अर्को निर्णय नहुँदासम्मका लागि यो नियम लागू हुने जिल्ला प्रशासन कार्यालय मकवानपुरले जनाएको छ ।
जिल्ला प्रशासन कार्यालय मकवानपुरका सूचना अधिकारी देबचन्द्र गर्तौला अनुसार जिल्ला भित्रका पार्क तथा पिकनिक स्पोटहरु बन्द गर्नको लागि प्रशासनले दशवटै पालिकाहरुलाई जानकारी गराइएको छ । यो निर्णयसंगै मकवानपुरको पर्यटकीय क्षेत्रहरुमामा अब भेला भई पिकनिक खान तथा रमाइला कार्यक्रम संचालन गर्नका लागि रोक लागेको छ ।
यसैबिच १२ वैशाखबाटै हेटौंडामा निजि तथा सार्वजनिक सवारीहरुमा जोर विजोर प्रणाली लागू भएको छ । जिल्ला प्रशासन कार्यालय मकवानपुर अनुसार हेटौंडा उपमहानगरपालिका भित्र चल्ने निजि तथा सार्वजनिक सवारी सबैमा जोर विजोर प्रणाली लागू हुने छ ।
निर्णय हेर्नुहोसः
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
