मकवानपुरको कैलाश गाउँपालिका ५ र ६ का सम्पूर्ण ७ सय ५० परिवारहरुलाई सरसफाई सम्बन्धी सामाग्री वितण गरिएको छ । नेपाल रेडक्रस सोसाइटी मकवानपुरबाट जिल्लाकै अतिविकट मानिने कैलाशका ती दुई वडामा हात धुने प्रयोजनका लागि धारा जडित २०/२० लिटरको बाल्टी र ६/६ थान, सावुन अति सकंटासन्न अवस्थाका महिलाहरुलाई १/१ सेट का दरले ५० सेट Hygiene kit समेतका सामग्रीहरु वितरण गरिएको हो ।
रेडक्रस मकवानपुरले एक समारोहका बिच वितरणको शुभारम्भ गरेको रेडक्रस मकवानपुरका मन्त्री खेमराज सापकोटाले जानकारी दिए । कैलाश गाउँपालिकाकी उपाध्यक्ष सुकुमाया थिङको प्रमुख आतिथ्यतामा भएको कार्यक्रममा रेडक्रस मकवानपुरका शाखाका कार्यबहाक सभापति लालबहादुर थापा, मन्त्री खेमराज सापकोटा, कोषाध्यक्ष पिताम्बर वास्तोला, कैलास ५ का वडा अध्यक्ष छेकु लामा सदस्य राधिका विक, वडा नं. ६ का सदश्य लक्ष्मी मुक्तान, रेडक्रस गोगने उपशाखा सभापति बच्चु ढुङ्गाना, रेडक्रसका कार्यक्रम सयोजक लक्ष्मण भट्टराई लगायत सेवाग्राही समुदायको उपस्थिति रहेको थियो।
यसैबीच कैलाश गाउँपालिका वडा नम्बर ६ मा संकट तथा विपतका समयमा स्वयंसेवकहरुले प्रयोग गर्ने एक वाक्सामा २७ थरिका सामग्री हस्तान्तरण गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
