कुखुराको खोरमा जुवा खेलिरहेका १२ जनालाई प्रहरीले पक्राउ गरेको छ । शनिबार राती साढे १२ बजेको समयमा बारा जिल्लाको करैयामाई गाउँपालिका–१ जब्दीटोलस्थित राकेशप्रसाद साहको कुखुरापालन गर्ने खोरमा जुवा (कौडा) खेलिरहेका १२ जनालाई पक्राउ गरिएको जिल्ला प्रहरी कार्यालय बाराले जनाएको छ ।
जुवा खेलिरहेको भन्ने सूचनाका आधारमा प्रहरीले छापा मार्दा नगद एक लाख १७ हजार रुपैयाँ र १६ थान कौडासहित उनीहरुलाई पक्राउ गरिएको प्रहरीले जनाएको छ । प्रहरीले पक्राउ पर्नेहरुको नाम भने सार्वजनिक गरेको छैन ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
