काठमाडौं महानगरपालिकाभित्र बसोबास गर्ने जेष्ठ नागरिकले महानगरबाट पाउँदै आएको वार्षिक भत्ता आगामी आवमा समेत उपलब्ध हुने भएको छ । महानगरपालिकाले आगामी आर्थिक वर्ष २०७७/७८ को नीति तथा कार्यक्रम सार्वजनिक गर्दै महानगर विशेष भत्तालाई निरन्तरता दिएको बताएको छ ।
महानगरले ७५ वर्ष उमेर पुगेका महिला र ८० वर्ष उमेर पुगेका पुरुषलाई महानगर विशेष भत्ता उपलब्ध गराउँदै आएको छ । यो संघीय सरकारले दिने वृद्धभत्ताबाहेकको रकम हो ।
महानगरपालिकाले आगामी वर्ष स्वयंसेवक परिचालनको नीति समेत लिएको छ । यसमा अनुभवी, सेवा निवृत्त, जेष्ठ नागरिकलाई समेत सहभागी गराई शिक्षा, स्वास्थ्य तथा समुदायमा आधारित विभिन्न काममा गराउने नीति समेत महानगरपालिकाले लिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
