मकवानपुर थाहा नगरपालिका वडा नंं ८ मा रहेको इन्द्रायणी माध्यमिक विद्यालयमा इन्द्रायणी बालक्लबको आयोजनामा दशै विशेष साँस्कृतिक शुभकामना कार्यक्रम भएको छ । थाहा नगरपालिकाका नगर प्रमुख लवशेर विष्टको प्रमुख आतिथ्यमा कार्यक्रम भएको हो ।
२३ असोजमा भएको शुभकामना कार्यक्रमको अवसरमा विद्यालयमा रहेको कम्प्युटर ल्याबको नगर प्रमुख विष्टले उद्घाटन गरेका छन् । थाहा नगरपालिका वडा नंं ८ का वडा सदस्य, नगर शिक्षा समितिका सदस्य तथा विद्यालय व्यवस्थापन समितिका अध्यक्ष सुमन कार्कीको सभाध्यक्षतामा कार्यक्रम भएको हो ।
थाहा–८ का वडा अध्यक्ष टिकाराम रुम्बाको विशेष आतिथ्यमा भएको शुभकामना कार्यक्रममा वडा सदस्य दीपेन्द्र थिङ, वडा सचिव चन्द्रबहादुर थिङ, स्थानीय अभिभावक तथा विद्यार्थीहरुको उल्लेख्य सहभागीता रहेको थियो ।
कार्यक्रममा कलाकारहरु अमृत साप्कोटा, नवराज गाउँले र इन्द्रायणी बालक्लबका सदस्यहरुको विशेष प्रस्तुति रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
