मुलुककै पावर ब्याकअपकाे रूपमा रहेकाे इन्द्रसरोवर अर्थात कुलेखानी जलविद्युत आयोजनाको जलासयमा पानीको सतह बढ्दै गएको छ ।
लगातार परेको पानीका कारण जलासयमा पानीको सहत ४ साउनको तुलनामा ६ साउनमा साँढे ३ मिटर पानी बढेको छ । ६ साउन साँझ ८ बजेसम्म पानीको सतह १ हजार ५ सय १४ मिटर ५३ सेन्टी मिटर पुगेको कुलेखानी जलविद्युत आयोजना शिविर शाखा मार्खु ड्यामसाइडका कर्मचारी दामोदर लामिछानेले जानकारी दिए ।
वि.सं.२०७२ सालको भूकम्पका कारण क्षति पुगेपछि प्राधिकरणले १ हजार ५ सय २५ मिटर भन्दा बढी ड्याममा पानी जम्मा नगर्नेे नीति लिएको छ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
