मकवानपुरको इन्द्रसरोवर गाउँपालिकालाई ५ शैथ्याको अस्पतालका लागि बजेट निकासा भएको छ । इन्द्रसरोवर गाउँपालिकाको कुलेखानी स्वास्थ्य चौकीलाई ५ शैयाको अस्पताल निर्माणका लागि ७० लाख रुपियाँ अर्थ मन्त्रालयले बजेट पठाएको छ ।
देशभर २ सय ६४ स्थानीय तहलाइृ अस्पताल निर्माणका लागि बजेट निकासाको क्रममा मकवानपुरको थाहा नगरपालिकालाई १५ शैथ्याको अस्पताल निर्माणका लागि १ करोड रुपियाँ बजेट निकासा भएको संघीय मामिला तथा सामान्य प्रशासन मन्त्रालयका लेखा अधिकृत उमेश्वर प्रसाद काफ्लेले बताए ।
गत २८ साउनमा भएको मन्त्रीस्तरीय निर्णयबाट स्वीकृत भएको ५, १० तथा १५ शैथ्या अस्पतालको लागि अर्थ मन्त्रालयबाट बजेट निकासा भैसकेको स्वास्थ्य मन्त्रालयका तथ्याङ्क अधिकृत सुर्य बहादुर खड्काले जानकारी दिए । यहि कार्तिक मसान्तसम्म अस्पताल निर्माण प्रक्रिया अघि बढाइसक्नूपर्ने अधिकृत खड्काले जानकारी दिए ।
स्वास्थ्य मन्त्रालयबाट स्वीकृत आधारभूत अस्पताल भवन निर्देशिका २०७७ बमोजिम अस्पताल निर्माण गर्नुपर्ने मन्त्रालयले जनाएको छ । स्वास्थ्य भवन पुर्वाधारको डिजाइन निर्माण सम्बन्धी निर्देशिका बमोजिम निर्माण प्रक्रिया अघि बढाउन स्वास्थ्य मन्त्रालयले स्थानीय तहहरुलाई परिपत्र गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
