मकवानपुरको इन्द्रसरोवर ४ फाखेल राकसखोलामा शनिबार देखिको अबिरल बर्षाका कारण घर पछाडिको ढिस्को भत्किएर एक घर पुरिएको छ । स्थानीय दिपककुमार मोक्तानको घर सोमबार बिहान करीब ८ बजेको समयमा ढिस्कोले पुरिएको प्रहरी चौकी फाखेलका इन्चार्ज भरत कुर्मीले जानकारी दिएका छन् ।
माटोको ढिस्को घरभित्र छिरे पछि मोक्तान परिवारको बिचल्ली भएको स्थानीयले बताएका छ्न् । हाल मोक्तान परिवार छिमेकीको घरमा शरण लिएर बसिरहेको छ । नेपाल रेडक्रस सोसाइटी फाखेल उपशाखा, स्थानीय सहकारीहरू वडा कार्यालय लगायतका संघसंस्था राहतका लागि पुगिसकेको छ ।
एक छोरा सहितको मोक्तान परिवार लामो समय देखि सिलाई कटाईको ब्यवसाय गर्दै आएका थिए । केही लत्ताकपडा, आधा तोला भन्दा बढी सुन, बीस हजार नगद र भाडाकुडा पुरिएको पिडितले बताएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
