purse-harayo-suchana-1638264288.jpg
Tuesday, 7th December, 2021
वि.स.
ict-nepal-1625344508.gif

इन्द्रसरोबरमा सुमो दुर्घटना, १० जना घाइते, ३ को अवस्था गम्भीर

हेटौंडा-काठमाडौं छाेटाे दुरीकाे मार्गअन्तर्गत इन्द्रसरोबर गाउँपालिका वडा नम्बर २ लामबगरमा आज दिउँसो ३ बजे टाटासुमो दुर्घटना भएको छ । बीरगञ्जका लागि काठमाण्डौँबाट छुटेको ना १ ज ४५११ नम्बरको सुमो खानखेत-सिस्नेरी खण्डमा सडकबाट भीरमा खसेर दुर्घटना भएको हो । 

दुर्घटनामा चालकसहित १० जना घाइते भएका छन् । सुमोमा चालकसहित १० जना रहेको र सबै घाइते भएको खानीखेत प्रहरीले जानकारी दिएको छ । घाइतेमध्ये ३ जनाको अवस्था गम्भीर रहेको प्रहरीको भनाइ रहेको छ । 

तीव्र गतिका कारण सवारी दुर्घटना भएको सुमोमा सवार घाइते यात्रुहरुले बताएको स्थानीय सञ्चारकर्मी सन्तोष बानियाले थाहाटाइम्सलाई जानकारी दिए । सुमो सडकबाट झण्डै ४० मिटर तल खसेको छ ।

अहिले घाइतेहरुको उद्धार गरी उपचारको लागि पठाइँदै गरेको खानीखेत प्रहरी चौकीका असइ आर. सि.  शाहले जानकारी दिए । घाइतेहरुलाई एम्बुलेन्स, प्रहरीको गाडी र जिपमा राखेर अस्पताल पठाइएको छ । घाइतेहरुको विवरण आउन बाँकी रहेको छ । 



https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes@gmail.com

यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)

corona_ad-1626692113.gif






balsram-1625416970.jpg