मकवानपुरको हेटौँडा उपमहानगरपालिका वडा नम्बर १३ बेलडाँडामा १६ असोजमा यात्रुबाहक बस दुर्घटना हुँदा तीन जनाको मृत्यु भएको छ । ५१ जना घाइते भएकाछन् । हाँडीखोला गाविसको मकरीबाट हेटौँडा आउँदै गरेको ना ४ ख ४३०७ नंबरको बस हेटौँडा १३ बेलडाँडामा दुर्घटनामा परेको हो ।
दुर्घटनामा हाँडिखोला–२ का चार वर्षीय बालक प्रमिस लामिछाने, २५ वर्षीय सुर्यबहादुर तामाङ र ३३ लक्ष्मी दाहालको मृत्यु भएको मकवानपुर जिल्ला प्रहरी प्रमुख मिरा चौधरीले जानकारी दिइन्। घाइतेमध्ये ३९ जनाको चुरेहिल अस्पताल, १० जनाको हेटौंडा अस्पताल र दुई जनाको अर्थोपेडिक अस्पतालमा उपचार भइरहेको उनले बताइन्। -फाेटाेहरू: शिवकुमार काशी
