नेपाल कम्युनिष्ट पार्टी (नेकपा) मकवानपुर आज एमालेमा विलय भएको छ । २५ कार्तिकमा हेटौँडामा भएको कार्यक्रममा नेकपा मकवानपुरका जिल्ला अध्यक्ष विनोद रिजाल सहित सबै ५५ जना जिल्ला सदस्य एमालेमा विलय भएको हो ।
नेकपाको मकवानपुरमा रहेको सबै भातृ संगठन सहित गरेर करिब ५ सय ४० भन्दा धेरै कार्यकर्ता समेत एमालेमा प्रवेश गरेको घोषणा गरिएको छ । एमालेमा प्रवेशसपछि बोल्दै अध्यक्ष रिजालले अव सबै वामपन्थी हरुको एउटै मञ्च हुने पर्ने बताए । वामपन्थीको नेतृत्व एमालेले गर्नुपर्ने भन्दै आफुहरु एमालेमा समाहित भएको उनले बताए ।
कार्यक्रममा बोल्दै एमालेका प्रदेश नंबर ३ सदस्य कृष्णप्रसाद दाहालले एमाले र माओवादीका सामुहिक नेतृत्वले अव नेपालको नेतृत्व गर्ने बताए । सबै वामपन्थीहरुको एउटै मञ्च बनाउने प्रक्रिया सुरु भैसकेको बताउँदै उनले अव नेपालमा वामपन्थीको विजयीलाई कसैले रोक्न नसक्ने दाबी समेत गरेका छन् । कार्यक्रममा एमालेको तर्फबाट प्रतिनिधिसभा क्षेत्र नंबर १ (ख) का उम्मेद्वार डोरमणी पौडेल, एमाले मकवानपुरकी अध्यक्ष मुनु सिग्देल, प्रतिनिधिसभा निर्वाचन क्षेत्र नंबर १ निर्वाचन परिचालन समिति संयोजक बद्री लम्साल, एमालेका मोर्चा विभाग प्रमुख श्रीधर पोखरेल, माओवादी केन्द्रका वालकृष्ण चौलागाँई लगाएतको उपस्थिती रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
-1510403298.png)
