हेटौंडा उपमहानगरपालिकामा गठित न्यायिक समितिले इजलास सुरु गरको छ । स्थानीय तहमा कानुनी अधिकार प्रत्यायोजन गरेपछि उपमहानगरपालिकाले जिल्लामै पहिलो पटक इजलास शुरु गरेको हो । अदालत पुग्नुपूर्व उपमहानगरपालिकाका उपमेयरको संयोजकत्वमा गठन भएको समितिले १४ फागुनबाट इजलास सञ्चालनमा ल्याएको हो ।
इजलासले १४ फागुनमै नै सम्बन्ध बिच्छेदका लागि परेको मुद्धाको फैसला गरेको छ । उपमहानगरपालिकामा न्यायिक समितिको १४ फागुनमा भएको पहिलो इजलासले २२ कात्तिक ०७४ मा सम्बन्ध बिच्छेद सम्बन्धी परेको मुद्दाका बादीप्रतिबादीलाई उपस्थित गराएर मेलमिलाप गराएको छ ।
स्थानीय तहमा कानुनी अधिकार प्रत्यायोजन भएपछि समितिले अधिकार प्राप्त उपमहानगरपालिकाले हेर्ने २४ वटा मुद्धा मध्ये १३ वटा विषयमा सुनुवाई गर्नेछ भने ११ वटा बिषयमा मेलमिलाप गराइने संयोजक लामाले बताइन् । न्यायिक इजलासले गरेको फैसलाप्रति चित्त नबुझेमा पुनराबेदनको लागि अदालतमा समेत जान सकिने छ । न्यायिक समितिमा हालसम्म १० वटा विषयमा उजुरी दर्ता भएको समितिले जनाएको छ ।
हेटौंडा उपमहानगरपालिकामा गठित न्यायिक इजलासले साताको एकदिन हरेक शुक्रबार इजलास सञ्चालन गर्ने बताइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
