मकवानपुरको हेटौँडा प्रदेश–३ को राजधानी हुने तोक्ने कसरत शुरु भएको छ । हेटौंडालाई प्रदेश नंबर ३ स्थायी राजधानी बनाउन नेकपा सांसदहरु जुटेपछि अब हेटौंडालाई स्थायी रुपमै राजधानी बन्ने भएको हो । छठ पछि बस्ने प्रदेशसभा बैठकमा नेकपाको तर्फबाट सर्वसम्वत हेटौँडालाई राजधानीको लागि प्रदेशसभामा प्रस्ताव हुने बुझिएको छ ।
यसअघिदेखि नै मुख्यमन्त्री डोरमणी पौडेलले हेटौंडा नै स्थायी राजधानी बनाउन तयारी प्रतिक्रिया दिदै आएका थिए । त्यस्तै प्रदेशको नाम बागमती राख्ने करिब सहमती जुटेको थाहा भएको छ ।
नेकपाले सर्वसम्वत विवादरहित ढंगबाट हेटौँडालाई राजधानी तथा नामकरणमा वागमती गर्ने अन्तिम तयारी गरिसकेको बताइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
