हेटौंडा १५ चुरियामाइ नजिकै सवारी दुर्घटना हुँदा २ जनाको ज्यान गएको छ । बाराबाट हेटौडातर्फ आइरहेको भारतीय नम्बरको ट्रकसँग एउटा मोटरसाइकल,एउटा अटो र एउटा टाटा सुमो ठोक्किँदा दुई जनाको घटनास्थलमै ज्यान गएको मकवानपुर प्रहरीले जनाएको छ ।
दुर्घटनामा परी पाँच जना घाइते भएको मकवानपुर प्रहरी प्रमुख एसपी मुकेश सिंहले जानकारी दिए । उनीहरुको हेटौडा अस्पतालमा उपचार भइरहेको छ ।
एमएल ०१ बि ८०३१ नम्बरको भारतीय ट्रकले नम्बर खुल्न नसकेको तीन सवारीलाई ठक्कर दिएको एसपी सिंहको भनाई छ । दुर्घटनामा परी ज्यान गुमाउनेको सनाखत हुन सकेको छैन् । घटनाबारे थप अनुसन्धान भइरहेको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
