मकवानपुरको थाहा नगरपालिका वडा नं ४ सिमभञ्ज्याङमा कुखुरा बोक्ने निजी बोलेरोमा आगजनी गरेको आशंकामा प्रहरीले २ जनालाई पक्राउ गरेको छ ।
यहि ५ वैशाखमा हेटौंडा तर्फ जाँदै गएको ना २ च ९०९४ नंबरको कुखुरा बोक्ने बोलेरो गाडीमा आगजनी गरेको आशंकामा थाहानगरका सौगात विष्ट र पृथ्वीराज अधिकारीलाई पक्राउ गरिएको हो । उनीहरुलाई ५ वैशाख दिउँसो ३ बजे नियन्त्रणमा लिइएको जिल्ला प्रहरी कार्यालय मकवानपुरका प्रवक्ता (प्रहरी निरीक्षक) सागरविक्रम राणाले जानकारी दिए ।
बोलेरोसहित मकवानपुरको भीमफेदी गाउँपालिका वडा नं ९ गोलमोडमा पालुङ तर्फ आइरहेको ना ४ ख ७९६० नंबरको तरकारी लोड गरेको मिनी आइचरमा समेत तोडफोड र आगजनी भएको थियो । घटनाबारे थप अनुसन्धान भइरहेको राणाले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
