हेटौंडामा संयुक्त विद्यार्थी मकवानपुरले सार्वजनिक यातायातमा विद्यार्थीलाई ४५ प्रतिशत छुट दिने निर्णयको कार्यान्वयन नगरेको भन्दै आन्दोलन शुरु गरेका छन् ।
जिल्ला प्रशासकन कार्यालय मकवानपुरले यातायात व्यवशायीहरुलाई छुट दिन निर्देशन गरे पनि मकवानपुरका मझौला यातायातसहित अन्य सार्वजनिक संस्थाहरुले निर्णय कार्यान्वयन नगरेपछि विद्यार्थीहरुले सडक आन्दोलन सुरु गरेका हुन् ।
विद्यार्थीहरुले २८ चैत्रमा सिठ्ठी आन्दोलन जुलुस गरेका छन् । हेटौंडाको मकवानपुर बहुमुखी क्याम्पस र हेटौंडा क्याम्पसका गरी करिब डेढ सय भन्दा बढी विद्यार्थीले सडकमा सिठ्ठी बजाएर नाराबाजी गरेका गरे । हेटौंडाको सीमा चोकमा कोणसभा गरी सिठ्ठी आन्दोलन समापन गरिएको संयुक्त विद्यार्थी मकवानपुरले जनाएको छ । आन्दोलनका कार्यक्रम अनुसार २९ चैत्रमा हेटौंडामा सडक नाटक देखाई सडक बहस गर्ने कार्यक्रम रहेको अनेरास्ववियु जिल्ला कमिटी मकवानपुर विशाल पौडेलले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
