मकवानपुरको इन्द्रसरोवरमा सामुहिक कुटपिटबाट गम्भिर घाईते भएका जितबहादुर पाख्रीनको आज आइतबार मृत्यु भएको छ । इन्द्रसरोवर गाउँपालिका वडा नं ४ फाखेलका ४० वर्षीय पाख्रीन सामुहिक कुटपिटबाट गम्भीर घाइते भएपछि ललितपुरस्थित स्टार अस्पतालमा उपचाररत थिए ।
लेनदेनको विषयमा पाख्रिनलाई उनकै छिमेकी ३२ वर्षीय प्रदिप डिम्दुङ सहित भक्त बहादुर गोलेको समूहले चैत्र १६ गते कुटपिट गरेको जनाएको छ । छिमेकीलाई कुटपिट गरी हत्या गरेको अभियोगमा प्रदिप डिम्दुङलाई प्रहरीले पक्राउ गरेको मकवानपुर प्रहरीका सुचना अधिकारी सुजन पाठकले बताए । उनलाई शनिबार राति फाखेल प्रहरीले पक्राउ गरेको जनाइएको छ । अस्पतालमा उपचारको क्रममा मृत्यु भएपछि फरार रहेको डिम्दुङलाई प्रहरीले पक्राउ गर्न सफल भएको हो । घटनामा संलग्न अन्यको खोजि भइरहेको र घटनाको अनुसन्धान भइरहेको जनाइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
