मकवानपुर थाहा नगरपालिकाको इन्द्रायाणी चौरमा १० कार्तिकदेखि तेस्रो थाहा महोत्सव हुने भएको छ । कपडा तथा फेन्सी कपडा व्यवसायी थाहानगर र थाहा नगर उद्योग वाणिज्य संघबीच महोत्सव संचालन गर्ने मितिको विषयमा सहमती जुटेपछि थाहा महोत्सव हुने भएको हो ।
कपडा व्यवसायी संघको तदर्थ समिति र थाहा नगर उद्योग वाणिज्य संघबीचको विवादका कारण महोत्सवको मिति तय हुन नसक्दा थाहा महोत्सव अन्यौलमा परेको थियो । १ असोजमा थाहा नगरपालिका कार्यालयमा उपमेयर खड््ग गोपालीको संयोजकत्वमा गठित समिति र सरोकारवलाहरुको उपस्थितीमा भएको वृहत्त छलफलले महोत्सवको मिति तय भएको हो ।
सहमतीमा भनिएको छ–‘महोत्सवको शुरु मिति २०७५ कार्तिक १० गते गर्ने र महोत्सव २०७५ कार्तिक १७ गतेसम्म गर्ने निर्णय गरियो साथै महोत्सवको समापन २०७५ कार्तिक १८ गते विहान ८ बजे गर्ने निर्णय गरियो ।’ यस अघि थाहानगर उद्योग वाणिज्य संघले ८ कार्तिकबाट शुरु गर्ने मिति घोषणा गरेपछि दुई संघबीच महोत्सव शुरुको मितिको विषयमा विवाद भएको थियो ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
