प्रधानमन्त्री केपी शर्मा ओलीले अत्यावश्यक सेवाबाहेक अन्य सेवा दुई साताका लागि बन्द गर्ने घोषणा गरे पनि सरकारी कार्यालय भने बन्द नहुने भएका छन् । सरकारी कर्मचारी भने नियमित आफ्नो कार्यालयमा जानुपर्ने सरकारले जनाएको छ ।
प्रधानमन्त्रीका प्रेस सल्लाहकार सूर्य थापाले सर्वसाधारणको भीडभाड नहोस् र संक्रमणको कुनै जोखिम नरहोस् भनेर अत्यावश्यक बाहेकका सरकारी सेवामात्र बन्द गरिएको तर सरकारी अड्डाहरु भने बन्द नहुने बताए । कुन कुन कार्यालयबाट सेवा प्रदान हुनेछ भन्ने बारेमा उच्चस्तरीय समन्वय समितिको बैठकमा विभिन्न मन्त्रालयको छलफलपछि सर्वसाधारणलाई प्रष्ट हुनेगरि जानकारी गराइने समेत थापाले बताए ।
प्रधानमन्त्री केपी शर्मा ओलीले राष्ट्रका नाममा सम्बोधन गर्दा सबै सरकारी कर्मचारीहरू र अत्यावश्यक सेवामा कार्यरत निजी क्षेत्रका समेत कर्मचारीहरूले यथावत् रूपमा आआफ्नो कार्यालयमा उपस्थित भई नियमित कामकाज गर्ने बताएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
