नेपाल कम्युनिष्ट पार्टी (क्रान्तिकारी माओवादी)का केन्द्रीय महासचिव मोहन बैद्य “किरण”ले हालको सरकारले जनअपेक्षा अनुरुप काम गर्न नसकेको आरोप लगाएका छन् ।
हेटौँडामा भएको पत्रकार सम्मेलनमा बोल्दै महाचिव बैद्यले नेपाली जनताको जुन संघीयताको लागि त्याग गरेका थिए त्यो किसिमको पहिचान सहितको संघीयता नभएको प्रतिक्रिया दिए । सरकारले विना छलफल र अनुसन्धान विना योजनाहरु ल्याउने गरेकोले त्यो असफल भएको उनले दावी गरे । एक अर्को फरक प्रसंगमा विप्लव नेतृत्वको पार्र्टीसँग एकताको विषयमा पत्रकारले राखेको जिज्ञासाको जवाफ दिँदै बैद्यले विचार र सिद्धान्त मिले पार्टी एकता असंभव नरहेको भन्दै उनले तत्काल पार्र्टी एकताको संभावना भने नरहेको बताए ।
उनले ६ असारमा नेकपा (क्रान्तिकारी माओवादी) निकट युवाहरुको संगठन क्रान्तिकारी युवा लिग नेपालको पहिलो केन्द्रीय अधिवेशनलाई सम्बोधन तथा प्रशिक्षण दिने बताईएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
