सरकारले थप १२वटा नयाँ सरहर छनोटको प्रक्रिया थालेको छ । अब हुने नयाँ सहरमध्ये तराई क्षेत्रबाट पूर्वपशिचम जोड्ने हुलाकी राजमार्गमा १० वटा रहने छन् । त्यस्तै प्युठान र सुर्खेतमा १र१ गरी २ वटा हुनुेछन् ।
गत आर्थिक वर्ष ७२/७३ मा नै नयाँ सहर थप गर्नेसम्बन्धी व्यवस्था गरिएको भए पनि प्यूठान र सुर्खेतमा परामर्शदाता नियुक्त गर्नेबाहेक कुनै काम हुन नसकेको आजको नयाँ पत्रिकामा समाचार छ । चालू आवमा भने थप १२ सहरमा रहने ठाउँ निश्चित गर्ने गरी काम भइरहेको नयाँ सहर आयोजनाका कायममुकायम निर्देशक चक्रवर्ती कण्ठले जानकारी दिए । सरकारले मकवानपुरको थाहानगरलाई पनि पहिचान सहितको नयाँ शहर बनाउने यस अघि नै घोषणा गरिसकेको छ ।
आयोजना व्यवस्थापन पक्षका अनुसार अहिलेसम्म प्यूठान र सुर्खेतमा नयाँ सहर छनोटको काम अन्तिम अवस्थामा पुगेको छ । हुलाकी राजमार्गमा रहने १० वटा सहरको भने प्रारम्भिक अवस्थामा नै छ ।
यसअघि सरकारले मध्यपहाडी राजमाजर्गमा पर्नेगरी १० वटा नयाँ सहर निर्माणको स्थान छनोट गरी काम सुरु गरिसकेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
