वीरगंजका व्यवसायी शिवकुमार रुंगटामा कोरोनाभाइरसको संक्रमण नभएको पुष्टि भएको छ। पहिलोपोस्टले प्राप्त गरेको उनको परीक्षणको रिपोर्टमा प्रस्ट लेखिएको छ - 2019-nCoV नेगेटिभ।
आइसीएमआर - राजेन्द्र मेमोरियल रिसर्च इन्स्टिच्युट अफ मेडिकल साइन्स, पटनामा उनको स्वाब टेस्ट गरिएको थियो। पीएमसीएच पटनाबाट उनको स्वाब परीक्षणका लागि उक्त ल्याबमा पठाइएको थियो।
मार्च २० मा उनको स्वाब पठाइएको थियो। त्यसको आज रिपोर्ट आएको हो। उनको रिपोर्ट 2019-nCoV मा नेगेटिभ देखिँदा वीरगंजबाट भने एक सरकारी अधिकारीले नै टेस्ट पोजेटिभ देखिएको हल्ला फिँजाएका थिए। त्यसैका आधारमा रुंगटाको रिपोर्टमा कोरोनाभाइरस पोजेटिभ देखिएको समाचारहरु सार्वजनिक भएका थिए।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
