मोरङ प्रहरीले विप्लव समूहका पूर्वी कमाण्ड सैन्य विभाग प्रमुखलाई पक्राउ गरेको छ ।
४० वर्षीय नन्दकिशोर भनिने नन्दबहादुर बोहरालाई मंगलबार उर्लाबारी नगरपालिका-३ स्थित घरबाट पक्राउ गरिएको मोरङ प्रहरीका प्रवक्ता डीएसपी मानबहादुर राईले बताए ।
बोहराका साथबाट एउटा कटुवा पेस्तोल, तीन राउण्ड गोली, डेटोनेटर र सकेट बम बरामद भएको प्रहरीले जनाएको छ ।
उनका साथबाट पूर्व लडाकु लेखिएको एक थान छापसहितका सामाग्री समेत बरामद भएको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
