विप्लव नेतृत्वको नेपाल कम्युनिष्ट पार्टीले २९ साउनमा आव्हान गरेको नेपाल बन्दको पूर्वसन्ध्यामा २८ साउन साँझ मकवानपुरको थााहानगरमा राँके जुलुस निकालेको छ । पार्टीका प्रवक्ता खड्गबहादुर विश्वकर्मा ‘प्रकाण्ड’ लाई प्रहरीले पक्राउको विरोधमा नेपाल बन्दको घोषणा गरेको हो नेकपाले जनाएको छ ।
यसअघि प्रक्राउ परेका पार्टीका नेतालाई बिनाशर्त छाड्न माग गर्दै आइरहेको समयमा पार्टी प्रवक्तालाई नै प्रहरीले पक्राउ गरेपछि रिहाइका लागि दबाब दिन बन्दको आव्हान गरिएको पार्टीले जनाएको छ ।
प्रवक्ता विश्वकर्मासहित अहिलेसम्म पक्राउ परेका नेता तथा कार्यकर्तालाई विना शर्त रिहागर्न नेकपाले अनुरोध गरेको छ । रिहाइको माग गर्दै नेकपाले साउन २५ गते देशव्यापी कोणसभा, साउन २६ गते विरोधसभा, साउन २७ गते भण्डाफोर, साउन २८ मशाल जुलुश र साउन २९ गते नेपाल बन्दको घोषणा गरेको पार्टीका महासचिव नेत्रबिक्रम चन्द ‘ विप्लव’ द्वारा जारी विज्ञप्तीमा उल्लेख छ ।
प्रहरीले विश्वकर्मालाई २३ साउनमा काठमाडौँबाट पक्राउ गरेको हो ।
हेर्नुहोस् भिडियो:
