राष्ट्रिय प्रजातन्त्र पार्टी (राप्रपा) थाहानगरको नगर परिषदले नवीन रायमाझीलाई अध्यक्षमा निर्वाचित गरेको छ । रायमाझी नगर अध्यक्षमा सर्वसम्मत भएका हुन् ।
थाहा नगरपालिकाको शिखरकोट स्थित शंकर होटलमा भएको परिषदले थाहानगरमा २९ सदस्यीय नगगर समिति चयन गरेको छ । राप्रपा कार्य सम्पादन समितिका सदस्य राजाराम बर्तौलाको प्रमुख आतिथ्यमा भएको परिषद्ले नगर उपाध्यक्षमा केशर थिङ, राममायाँ लामा र रामहरि भट्ट, सचिव राधाकृष्ण विष्ट, कोषाध्यक्ष पुन्यमान बलामी, सहसचिव सुरेन्द्र तामाङलगायत छन् ।
कार्यक्रमको अवसरमा प्रमुख अतिथि तथा केन्द्रिय कार्य सम्पादन समितिका सदस्य राजाराम बर्तौलाले राप्रपा आगामी निर्वाचनमा निर्णायक शक्ति बनेर उदाउने दाबी गरेका छन् । थाहानगर समितिको परिषद् बैठकलाई सम्बोधन गर्दै बर्तौलाले बलियो राष्ट्रबादी प्रजातान्त्रिक शक्ति बनाउन युबा पुस्ता अघि सर्नुपर्नेमा जोड दिए । उनले काँग्रेस र कम्युनिस्टको अदुरदर्शिता र असफलताबाट मुलुकले मुक्ति खोजेको चर्चा गरे ।
कार्यक्रममा राप्रपा मकवानपुरका नेताहरु गुन्जन बहादुर न्यौपाने , गुरु प्रसाद सापकोटा , शम्भुभक्त श्रेष्ठ, अर्जुन केसी , चन्द्रप्रसाद ढुंगाना लगायतले बोलेका थिए।
हेर्नुहोस नगर समितिका नामावली:
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
