थाहा नगरपालिकाको पालुङमा राष्ट्रिय जनमोर्चा मकवानपुरको जिल्ला भेलाले निर बहादुर स्याङ्तानलाई अध्यक्षमा निर्वाचित भएका छन् । भेलाले उपाध्यक्ष क. ओविन्द्र बहादुर लुइँटेल, सचिव दिनेश बिष्ट, कोषाध्यक्ष शोभा गोपली, सदस्यहरुमा कृष्ण बहादुर गोले, बिक्रम बिष्ट, सरु सुनार, दिपक के.सी. निर्वाचित भएकाछन् ।
राष्ट्रिय जनमोर्चाका दिनेश बिष्टको अध्यक्षतामा भएको भएको भेलाको संचालन निर बहादुर सिन्तानले गरेका थिए । कार्यक्रममा दिलराज मुक्तानले स्वागत मन्तव्य व्यक्त गरेका थिए ।
भेलामा अखिल नेपाल शिक्षक संघका केन्द्रिय अध्यक्ष सानोभाइ कार्की , अखिल नेपाल शिक्षक संघ मकवानपुरका अध्यक्ष कृष्ण बहादुर बिष्ट, सचिव शुभराज गोले लगायतले भेला सफलता शुभकामना व्यक्त गरेका थिए । भेलाले उत्तर बहादुर गोपली, दुर्गा बहादुर कार्की र. गुप्त बहादुर कार्की रहने गरी सल्लाहकार समिति पनि गठन गरिएको छ ।
यसैबीच भेलाले संगठनको हित विपरित कार्य गरेकोले राष्ट्रिय जनमोर्चा मकवानपुरका निवर्तमान अध्यक्ष लक्ष्मण विष्ट र सचीव रत्न बहादुर गोलेलाई राष्ट्रिय जनमोर्चाको साधारण सदस्य समेत नरहने गरि निलम्बन गर्ने निर्णय गरेको छ । राष्ट्रिय जनमोर्चा मकवानपुरको जिल्ला सम्मेलन २०७४ माघ ६ गते बनभोज कार्यक्रम सहित थाहा नगपालिकाको पालुङमा गर्ने निर्णय गरेको छ भने राष्ट्रिय जनमोर्चाको सदस्य तथा रक्तिम सास्कृतिक अभियान मकवानपुरको सदस्य संगम कार्कीको असामायिक निधनप्रति शोक व्यक्त गर्दै शोकाकुल परिवारजनमा समाबेदना व्यक्त गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
