नेकपा माले जनसमाजवादी मकवानपुरको जिल्ला समिति नै नेकपा एमालेमा प्रवेश गरेको छ । हेटौंडामा १७ चैत्रमा एक कार्यक्रमकाबीच माले समाजवादीका अध्यक्ष सन्तोष घिमिरे सहित सहित सम्पूर्ण जिल्ला कमिटि एमालेमा समाहित भएको छ ।
एमाले केन्द्रीय सदस्य केदार न्यौपानेको प्रमुख आतिथ्यतामा भएको कार्यक्रममा एमाले केन्द्रीय सदस्य बिरोध खतिवडा, एमाले मकवानपुरका पदाधिकारीहरुले नव प्रवेशीलाई अबिर र खादा लगाएर एमालेमा स्वागत गरेका थिए ।
कार्यक्रम एमाले मकवानपुरकी अध्यक्ष मुनु सिग्देलको अध्यक्षतामा भएको हो ।
एमालेको एजेण्डाले मात्र मुलुकले गति लिने भएकोले आफूरु एमालेमा प्रवेश गरेको घिमिरेले प्रतिक्रिया दिए ।
