नेकपा माओवादी केन्द्रका स्थायी कमिटी सदस्य लीलामणि पोखरेलले २०६४ सालकाे पहिलो संविधानसभा बाट देशकै ठूलो पार्टी बन्दा पनि माओवादीले जनआन्दोलनको उपलब्धि रक्षा गर्न नसकेको बताएका छन् ।
नेकपा माओवादी केन्द्र थाहानगरकाे प्रथम नगर सम्मेलनलाई सम्बाेधन गर्दै उनले यस्ताे बताएका हुन् । सम्मेलनलाई सम्बाेधन गर्दै नेता पाेखरेलले माओवादीले खोजेको ब्यबस्था अझै आइनसकेको जिकिर गरे । 'त्यसकाे लागि अर्को आन्दोलनको खाँचो छ' उनले भने ।
राष्ट्रिय सभा सदस्य रामनारायण बिडारीले थाहाका जनता नै जनमुखी भएको बताए । उनले अबकाे नेतृत्व समाबेशी हुनुपर्ने धारणा राखे ।
कार्यक्रममा बागमती प्रदेशका सामाजिक विकास मन्त्री कुमारी मोक्तानले अब बन्ने नगरको नयाँ नेतृत्वले पार्टीलाई नया ढंगले अघि बढाउनुपर्नेमा जाेड दिइन् ।
शुभकामना मन्तव्य दिँदै माओवादी केन्द्रका सल्लाहकार परिषद सदस्य भुवनप्रकाश बिस्टले उर्जाशील ब्यक्तिहरुले नै पार्टी हाँक्ने भएकोले योजनाबद्ध तरिका र दस्तावेजमा आधारित भएर पार्टी चलाउन र बिकास निर्माणमा पनि पार्टीलाई जोड्दै लैजान आग्रह गरे।
पार्टीका जिल्ला अध्यक्ष प्रेमबहादुर पुलामीले समाजबादी ब्यबस्था ल्याउने अभियानमा माओवादी लागेको र अझै समाजवाद आइनसकेकाे बताए ।
उद्घाटन सत्रमा बाेल्दै नेकपा एमालेका नगर अध्यक्ष अच्युत्तमप्रसाद ढकालले सम्मेलनले जुझारु नेतृत्व चयन गर्ने विश्वास व्यक्त गरे । उनले नेपालका कम्युनिष्टहरू एक हुनुपर्नेमा जाेड दिए ।
कार्यक्रममा जसपाबाट पुरानै घर फर्किएका ज्योति रायमाझीले पद र प्रतिष्ठा भन्दा बिचार ठूलो हुने भएकोले लाभको पदभन्दा बिचारको राजनीति गर्न आग्रह गरे । 'राजनीतिमा तारबार लगाउन हुँदैन' उनले भने ।
