नेकपा (एमाले) निकट आदिवाशी जनजातिहरुको संगठन नेपाल लोकतान्त्रीक आदिवासी जनजाती महासंघको प्रथम महाधिवेशनबाट केन्द्रीय सचिवमा मकवानपुरका रामचन्द्र बल चयन भएका छन् । सचिवमा निर्वाचित बल नेकपा एमाले मकवानपुर जिल्ला कमिटी सदस्य तथा थाहानगर इन्चार्ज
एवं नेपाल लोकतान्त्रिक तामाङ संघका सचिवालय सदस्य हुन् । सम्पन्न अधिवेशनबाट मकवानपुरबाटै मिना लामा महासंघको केन्द्रीय सदस्यमा निर्वाचित भएकी छिन् । लामा नेकपा एमाले मकवानपुरको उपसचिव हुन् ।
यसअघि महासंघ मातहत ३३ जातिय घटक संघका अध्यक्षहरु स्वत केन्द्रीय सदस्यमा निर्वाचित भइसकेका छन् । तसर्थ नेपाल लोकतान्त्रिक चेपाङ संघका अध्यक्ष गोबिन्दराम चेपाङ र नेपाल लोकतान्त्रिक दनुवार संघका अध्यक्ष रामचन्द्र दनुवार पनि मकवानपुरकै हुन् ।
महासंघको अध्यक्षमा पृथ्वी सुब्बा गुरुङ चयन भएका छन् । नेकपा ९एमाले० को भातृ सङ्गठनको रुपमा रहेको महासंघको प्रथम राष्ट्रिय महाधिवेशनले गुरुङलाई अध्यक्षमा चयन गरेको हो । महाधिवेशनको उद्घाटन शनिबार भएको थियो । यसैगरी, वरिष्ठ उपाध्यक्षमा शेरबहादु
र तामाङ चयन भएका छन् भने उपाध्यक्षहरुमा तीलकुमार मेन्याङ्वो, पासाङ शेर्पा, शरण राई, कृपासुर शेर्पा, झकबहादुर थापा, शान्ता चौधरी र चित्रबहादुर थापामगर चयन भएका छन् ।
महासचिवमा भने परशुमेघी गुरुङ चयन भएका छन् । उपमहासचिवद्वयमा टासी लामा र विजय लोप्चन चयन भएका छन् । यसैगरी सचिवहरुमा बलका अलावा पीके राई, शारदा कुमाल र देवराज राई चयन भएका छन् । कोषाध्यक्षमा भने राजेन्द्र श्रेष्ठ र सहकोषाध्यक्षमा रामप्रसाद चौधरी चयन भएका छन् ।
यसअघि नेतृत्व चयनमा कुरा नमिलेपछि सम्मेलन सोमबारसम्म लम्बिएको थियो । अध्यक्षका लागि पार्टीका केन्द्रीय सचिव पृथ्वी सुब्बा गुरुङ र पोलिटब्युरो सदस्य पर्शुराम मेघी गुरुङ र पोलिट्ब्युरो सदस्य शेरबहादुर तामाङले दाबी गरे पनि अन्तिममा भने तीनै जनाले सहमति गरेको बताइन्छ ।
यसअघि महासंघको ६७ सदस्यीय कार्यसमितिका लागि १ सय ५० जनाको उम्मेदवारी परेको थियो । तर, पदाधिकारीहरु सर्वसम्मत रुपमा चयन हुन पुगेको छ ।
