३ मंसिर साँझ बसेको मन्त्रिपरिषद बैठकले मदन भण्डारी विश्वविद्यालयमा दरबन्दी सिर्जना गर्ने निर्णय भएको छ । तर के कति संख्या भने सार्वजनिक भएको छैन ।
त्यस्ते नेपाली सेनाका सहायकरथी सन्तोषकुमार ढकालसहित चार जना सेनानीहरुको बढुवा र सुरुवासम्बन्धी निर्णय गरेको छ । साथै, बैठकले विभिन्न २५ वटा अत्यावश्यक सेवाहरुमा हड्ताल गर्न नपाइने गृह मन्त्रालयको प्रस्तावलाई स्वीकृत गरेको छ ।
यसअघि राजपत्रमा प्रकाशित अत्यावश्यक सेवाको सूची सूची ६ महिना पूरा भएकाले पुनः राजपत्रमा प्रकाशित गर्ने निर्णय गरिएको हो । पहिलेको सूचीमा ह्याण्ड स्यानिटाइजर बनाउने उद्योग, मास्क बनाउने उद्योग आदिलाई पनि अत्यावश्यक सेवा अन्तरगत पारिएको छ ।
प्रधानमन्त्री कार्यालयले दिउँसो १ बजे सचिवालयसँग जुध्ने गरी क्याबिनेट बैठक राखे पनि अन्ततः साँझमा बसेको बैठकमा त्यस्तो महत्वपूर्ण प्रस्तावहरु केही पनि नआएको, प्रधानमन्त्रीले केही पनि सम्वोधन नगरेको र छोटो समयमै बैठक सकिएको स्रोतले जानकारी दियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
