मकवानपुरको मनहरी गाउँपालिकामा ट्रकले मोटरसाइकललाई ठक्कर दिँदा एक जनाको मृत्यु भएको छ। २ माघ दिउँसो हेटौँडाबाट मनहरीतर्फ जाँदै गरेको ना ३ ख ७९८१ नम्बरको डिब्बा ट्रकले ना ५६ प ६६०४ नम्बरको मोटरसाइकललाई ठक्कर दिँदा मोटरसाइकल चालकको घटनास्थलमै मृत्यु भएको हो।
दुर्घटनामा परी भारत आदापुर घर भएका २२ वर्षीय अतिउला आलम रहेको जिल्ला प्रहरी कार्यालय मकवानपुरले जनाएको छ। घटनापछि ट्रक र चालक खड्गबहादुर थापालाई प्रहरीले आफ्नो नियन्त्रणमा लिएको छ।
