मकवानपुरमा दुई वटा प्रदेशसभाका लागि उमेद्वार भाग पाएको माओवादी केन्द्रको तर्फबाट जिल्ला संयोजक तथा पोलिटब्युरो सदस्य प्रेमबहादुर पुलामी र कुमारी मोक्तानलाई उम्मेद्वार बनाएको हो ।
आउँदो मंसिर २१ गते हुने प्रदेशसभा निर्वाचनमा माओवादी केन्द्रबाट पुलामी र मोक्तानको उम्मेद्वारी टुंगो लागेको हो । वाम तालमेलपछि मकवानपुरमा माओवादीले प्रदेश सभाका लागि दुई सिट पाएको हो ।
माओवादी केन्द्र मकवानपुरका संयोजक पुलामीका अनुसार माओवादी केन्द्रले मकवानपुरको प्रतिनिधिसभा क्षेत्र नंबर १ को (क) तथा क्षेत्र नंबर २ को पनि (क) निर्वाचन क्षेत्र पाएको छ । जसअनुसार १ नंबरको क निर्वाचन क्षेत्रमा पुलामी तथा २ नंबरको क निर्वाचन क्षेत्रमा मोक्तान निर्वाचन लडनेछन् ।
यसैबीच नेकपा माओवादी केन्द्रबाट प्रतिनीधि सभा क्षेत्र नंबर २ को (क) बाट बागी उठ्न सक्ने ब्यापक चर्चा भएको छ । यद्यपी माओवादीले प्रतिनीधि सभाका लागि एमालेको उमेद्वार र प्रदेश सभाका लागि माओवादीको उमेद्वारलाई भोट हाल्ने प्रतिक्रिया दिएकाे छ । यस अघि माओवादीले प्रदेश सभाका लागि क्षेत्र नम्बर २ (क) बाट विष्णु विष्ट आदर्श, अरुण रायमाझीलगायतलाई सिफारिस गरेको थियो भने कुमारी मोक्तानलाई प्रतिनीधि सभाका लागि सिफारिस गरेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
