मकवानपुरमा नेकपा एमाले र माओवादी केन्द्रले दिपावलीको अवसरमा शुभकामना तथा चियापान कार्यक्रम एउटै मञ्च र ब्यानरमा गरेका छन् । चुनावी तालमेल, निर्वाचन पछि पार्टी एकता गर्ने सहमति बनाएसंगै दुई पार्टीले मकवानपुरमा यस्तो कार्यक्रम गरेका हुन् ।
हेटौँडामा भएको कार्यक्रममा दुई कम्युनिष्ट पार्टीहरु एक हुने प्रक्रियाको शुभारम्भ मकवानपुरबाट गर्ने भन्दै एमाले र माओवादीले यसरी कार्यक्रम गरिएको एमाले मकवानपुरकी अध्यक्ष मुनु सिग्देलले बताइन् ।
एमाले मकवानपुरकी अध्यक्ष सिग्देल तथा माओवादी केन्द्र मकवानपुरका संयोजक प्रेमबहादुर पुलामीको विशेष आतिथ्यतामा कार्यक्रम भएको थियो । कार्यक्रममा बोल्दै एमाले अध्यक्ष सिग्देलले एकताको संदेश मकवानपुरबाटै प्रवाह गर्न आफुहरु सफल रहेको बताईन् । वाम एकता मुलुकको विकासको लागि आवश्यक रहेको भन्दै आउँदै गरेको निर्वाचनमा सबै कार्यकर्तालाई वाम एकताको मर्म अनुसार कार्य गर्न उनले निर्देशस समेत दिईन् । कार्यक्रममा बोल्दै माओवादी केन्द्र मकवानपुरका संयोजक पुलामीले नेपालमा भएका सबै कम्युनिष्टहरुको एउटै केन्द्र बन्नुपर्ने बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
