१६ वर्षको उमेरमा सशस्त्र युद्वमा होमिएकी महिला लडाकु कुमारी मोक्तानले तेस्रो पटक संसदको यात्रा तय गरेकी छिन् । वाम गठबन्धनबाट नेकपा माओवादी केन्द्रकी उम्मेदवार मोक्तान प्रदेससभा मकवानपुर २ ‘क’ मा लोकतान्त्रिक गठबन्धनका यतिराज सापकोटालाई मतले हराउँदै प्रदेसभा सदस्यमा निर्वाचित भएकी हुन् ।
तत्कालिन नेकपा माओवादी शान्ति सम्झौतामार्फत संसदीय राजनीतिमा आएपछि उनी २०६३ सालमा संसद सदस्य मनोनित भएकी थिईन् । २०६४ सालमा मकवानपुर ४ बाट सांसद निर्वाचित मोक्तान नेकपा माओवादी केन्द्रकी पोलिटब्युरो सदस्य तथा मकवानपुर इन्चार्ज हुन् ।
जितपछि प्रतिक्रिया दिँदै मोक्तानले यो जित आफ्नो नभई २ नम्बरबासीको भएको बताइन् । ‘मेरो पाँच वर्ष यसै क्षेत्रको विकास र समृद्धिमा खर्च गर्नेछु’, मोक्तानले भनिन्, ‘जनतासँग गरेको बाचा पुरा गर्नेछु ।’ तत्कालिन नेकपा माओवादीले २०५२ सालमा सशस्त्र युद्व सुरु गरे लगत्तै उनी विद्यालय शिक्षा छाडेर युद्वमा होमिएकी थिइन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
