राष्ट्रिय प्रजातन्त्र पार्टीका अध्यक्ष कमल थापाले नौ जना सहायक महामन्त्री मनोनयन गरेका छन् । अध्यक्ष थापाले पार्टीले विधान बमोजिम उनीहरुलाई सहायक महामन्त्रीमा नियुक्त गरेका हुन् । मनोनयन हुनेमा मकवानपुरका राजाराम बर्तौला समेत रहेका छन् । राप्रपाका विश्वास पात्रका रुपमा रहेका बर्तौला यस अघि पनि पार्टिको पदाधिकारीको जिम्मेवारीमा रहेका थिए । कमल थापालाई हरेक समयमा साथ दिने युवा नेताको रुपमा बर्तौलालाई लिने गरिएको छ ।
थापाले झापाका भक्तिप्रसाद सिटौला, मोरङका केदारनाथ कोइराला,संखुवासभाका बसन्तमान सिंह अधिकारी, काठमाडौँका ईन्द्र चित्रकार, प्रेम कुमार श्रेष्ठ ९प्रवास०, झापाकै राजेश गिरी, कञ्चनपुरका तिर्थराज चटौत र सप्तरीकी रेणुदेवी साहलाई नियुक्त गरेका छन् ।
यस्तै सहायक कोषाध्यक्षमा धादिङका विशेश्वर शर्मा सुवेदीलाई मनोनयन गरेको प्रचार विभाग प्रमुख मोहन श्रेष्ठले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
