वाम गठबन्धनका तर्फबाट प्रतिनिधि सभा क्षेत्र नम्बर १ को प्रदेश सभा ख का उमेद्वार डोरमणी पौडेलले वामगठबन्धनलाई मत दिएर देश र जनतालाई जित्ने अबसर दिन आग्रह गरेका छन् । ४ मंसिरमा हेटौंडा ७ हरीयाली टोलमा वामगठबन्धनको प्रचारप्रसार कार्यालय उद्घाटन गर्दै पौडेलले उमेद्वारले जित्ने भन्दा पनि जनताले जित्नु आबश्यक रहेको उनको भनाई थियो ।
हरीयाली टोलमा सूर्य तितुङको संयोजक तथा अनिता लामाको सहसंयोजक रहेन गरी वामगठनको संयुक्त निर्बाचन परीचालन कमिटि निर्माण गरीएको छ । यसैगरी आज हेटौंडा ७ नम्बर वडामा उमेद्वार डोरमणी पौडेलले मतदाताहरुसँग घर घरमा गएर मत समेत मागेका छन् । मतदाताहरुले क्षेत्रगत बिकासका लागि अगाडि बढ्न सुझाब दिएका थिए । पौडेलले जनताको चाहना अनुसार बिकासका कार्यक्र ल्याउने बताए ।
कार्यक्रममा नेकपा एमाले मकवानपुरका अध्यक्ष मुनु सिग्देल, समानुपातिक उमेद्वार जुनेली श्रेष्ठ, प्रदेश ख का निर्बाचन परीचालन कमिटि संयोजक श्रीधर पोख्रेल, सहसंयोजक बालकृष्ण चौलागाईं, हेटौंडा उपमहानगरपालिकाकी उपमेयर मिना लामा, वडाध्यक्ष राजन थापालगायत वामगठबन्धनका नेता तथा कार्यकर्ता सहभागी थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
