बागमती प्रदेशको प्रदेश सभा बैठक शुक्रबार बस्दैछ। माघ ७ गते बसेको बैठक अनिश्चितकालका लागि स्थगित भएको थियो।सभामुख सानुकुमार श्रेष्ठले शुक्रबार दिउँसो १ बजेका लागि प्रदेश सभा बैठक बोलाएका छन्।
प्रदेश सभा सचिव कृष्णहरि खड्काले सेतोपाटीलाई दिएको जानकारीअनुसार शुक्रबार दिउँसो १ बजे प्रदेश सभा बैठक बस्न लागेको छ।बागमती प्रदेशमा मुख्यमन्त्री डोरमणि पौडेलविरूद्ध अविश्वास प्रस्ताव दर्ता भएको छ।
प्रधानमन्त्री केपी शर्मा ओलीले पुस ५ मा प्रतिनिधि सभा विघटन गरेपछि नेपाल कम्युनिष्ट पार्टी नेकपाभित्र विवाद छ। यसको असर प्रदेश सभामा पनि देखिएको छ।
नेकपाको प्रचण्ड-नेपाल समूहले मुख्यमन्त्री पौडेलविरूद्ध अविश्वास प्रस्ताव दर्ता गरेका छन्। उनीहरूले मुख्यमन्त्रीमा अष्टलक्ष्मी शाक्यलाई अगाडि सारेका छन्।शुक्रबार मुख्यमन्त्री पौडेलविरूद्ध अविश्वास प्रस्ताव प्रदेश सभा बैठकमा टेबुल हुनेछ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
