बन्दको प्रभाव सामान्य, नागरिक अन्यौलमा

सीप/तालिम थाहा टाइम्स

नेपाल कम्युनिष्ट पार्टी माओवादीले २३ वैशाखमा आह्वान गरेको बन्दको प्रभाव मकवानपुर जिल्लाको उत्तरी क्षेत्र थाहानगरमा खासै परेको छैन। विहानैबाट काठमाण्डौं तथा हेटौंडाका लागि छुट्ने सवारी साधनहरु निर्वाध रुपमा संचालन भएका छन् । बजार क्षेत्रमा पनि बन्दले खासै असर पारेको देखिँदैन ।

जिल्ला प्रहरी कार्यालय मकवानपुरका प्रवक्ता सागर राणाले बन्दको प्रभाव जिल्लाभर नै सामान्य रहेको र हालसम्म कुनैपनि अप्रिय घटना नघटेको बताएका छन् । सो पार्टीले गत वैशाख १९ गते जारी गरिएको विज्ञप्तीमा देशैभर बन्द गरिने, प्रदेश ३ र ४ मा पनि बन्दको प्रभाव रहने उल्लेख थियो ।
कानूनलाई मुठिमा लिएर दमनकारी फाँसीवादी चरित्रहिन व्यवहार सरकारले गरिरहेको र यस्ता क्रियाकलापको विरुद्धमा नेपाल बन्द आह्वान गरिएको विज्ञप्तीमा उल्लेख छ । तर, बन्द कस्ले गरेको भन्ने विषयमा नागरिकहरु भने अन्योलमा रहेका छन् । माओवादीले एक विज्ञप्ति प्रकाशन गर्दै बन्दको आब्वहान गरेको थियो ।

Thaha Times

थाहा टाइम्स

thahatimes@gmail.com

सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०