प्रधानमन्त्री केपी शर्मा ओली र नेपालका ८ सय ८४ जना सांसदको श्राद्ध गर्ने हेटौँडाका राकेशकुमार शर्मालाई मकवानपुर प्रहरीले पक्राउ गरेको छ ।
शर्माको गतिविधिबारे गुनासो आएपछि अनुसन्धानको लागि उनलाई पक्राउ गरिएको जिल्ला प्रहरी कार्यालय मकवानपुरका प्रहरी उपरिक्षक एसपी मुकेश कुमार सिंहले जानकारी दिए ।शर्मालाई उनकै घरबाट पक्राउ गरिएको सिंहले जानकारी दिए ।
शर्माले आज हेटौँडाको बुद्ध चोकमा सरकार तथा सांसदहरुले देशको स्वाधिनताको कुनै वास्ता नगरेको र राज्यको ढुकुटी दोहन गरेको भन्दै सांसद र प्रधानमन्त्रीसमेतको श्राद्ध गरेका थिए ।
स्रोतः तु खबर
