प्रदेश सभाबाट बागमति प्रदेशको राजधानी हेटौंडा कायम भएकोमा थाहा नगरपालिकाले मुख्यमन्त्री डोरमणी पौडेललाई मायाको चिनो दिएको छ ।
बागमती प्रदेशका मुख्यमन्त्रीलाई भेटेर नगर प्रमुख लवशेर विष्टले मायाको चिनो प्रदान गरेका हुन् । लामो समयदेखि प्रदेशको नाम र राजधानी तोक्न नसकिरहेको सन्दर्भमा नाम र राजधानी तोक्न सफल भएकोमा मुख्यमन्त्री पौडेलको प्रशंशा गर्दै मायाको चिनो दिइएको नगरप्रमुख विष्टले बताए ।
कार्यक्रममा नेकपा मकवानपुरका नेता विष्णु प्रसाद ढकाल, विनायक गोले, थाहा नगरपालिका वडा नम्बर ३ का वडा अध्यक्ष राजेश केसी, ११ नम्बर वडा अध्यक्ष किरणमान बललगायतका नेताहरुको सहभागिता रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
