प्रतिनीधि सभा विघटनको विरोधमा थाहानगरमा नेकपा माओवादी केन्द्र निकट वाइसिएल थाहानगरले पुत्ला जलाएका छन् ।
वाइसिएल थाहानगरले प्रधानमन्त्री केपी शर्मा ओली र राष्ट्रपति विद्यादेवी भण्डारीको पुत्ला बनाइ जलाएका हुन् । मन्त्रीपरिषदको सिफारिसमा राष्ट्रपति विद्यादेवी भण्डारीले ७ जेठ मध्येरातमा संविधान विपरित प्रतिनीधिसभा विघटन गरेकाले विरोध स्वरुप पुत्ला जलाएको वाइसिएलले जनाएको छ । वाईसिएल थाहानगरका अध्यक्ष मानसिं दोङको संयोजकत्वमा दामन, पालुङ, आग्रा, टिष्टुङ, बज्रवाराही तथा चित्लाङको विभिन्न स्थानमा पुत्ला जलाएको जनाइएको छ ।
महामारीको समयमा यसअघि झै पुनः असंवैधानिक ढंगले प्रतिनीधिसभा विघटन गरेकोले विरोधका कार्यक्रमस्वरुप पुत्ला जलाइएको थाहानगर कमिटि अध्यक्ष मानसिं दोङले प्रतिक्रिया दिए । विरोध कार्यक्रममा प्रत्येक स्थानमा बढिमा ९÷९ जनाको मात्र सहभागि गराईएको र महामारीको समयलाई मध्यनजर गर्दै सम्पूर्ण स्वास्थ्य मापदण्ड अपनाईएको वाइसिएल थाहानगरले जनाएको छ । त्यसैगरी फोहोर व्यवस्थापनमा समेत ध्यान दिएको वाईसिएल थाहानगर कमिटिका सचिव युवराज विष्टले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
