मन्त्री पदबाट राजीनामा दिएर प्रचण्ड–माधव नेपाल पक्षको स्थायी कमिटी बैठकमा सहभागी भएका नेकपा नेताहरु घनश्याम भुसाल र योगेश भट्टराई प्रधानमन्त्रीसँग छलफलमा जुटेका छन् ।
अरु नेताहरु बैठक सकेर बालुवाटारबाट बाहिरिएपछि भुसाल र भट्टराई पार्टी अध्यक्ष तथा प्रधानमन्त्री केपी शर्मा ओलीलाई भेट्न गएका हुन् । उनीहरु अन्तिमसम्म पनि दुई अध्यक्षलाई मिलाउन प्रयासरत थिए ।
५ पुसको प्रचण्ड–माधव नेपाल पक्षको स्थायी कमिटी बैठकमा उपाध्यक्ष बामदेव गौतम पनि सहभागी थिएनन् । तर गौतमको समर्थन रहेको बेदुराम भुसालले बताए । प्रचण्ड माधव नेपाल पक्षको बैठक चलिरहेका बेला स्थायी कमिटी सदस्य टोपवहादुर रायमाझी भने प्रधानमन्त्रीसँग छलफल गरेर बाहिरिएका थिए ।
