मकवानपुर- १ बाट राष्ट्रिय प्रजातन्त्र पार्टी (राप्रपा) का केन्द्रीय कार्यसम्पादन समिति सदस्य दीपकबहादुर सिंह विजयी भएका छन् । प्रतिनिधिसभा, संविधानसभा र हेटौँडाका मेयर गरी चार पटक निर्वाचनमा पराजित भएका सिंहले पाचौँ प्रयासमा जित हात पारेका हुन् ।
मकवानपुरमा एमाले तथा सत्ता गठबन्धनलाई पराजित गर्दै उनले शानदार जित दर्ता गरे । सिंहले मकवानपुर-१ मा खसेको ९१४८६ मतमध्ये २७ हजार ८ सय १६ ल्याएका छन् । उनका निकटतम प्रतिस्पर्धी महालक्ष्मी उपाध्यय डिना २५ हजार ४ सय २३ मतमा रोकिइन् । एमालेबाट चुनाव लडेका राप्रपा नेपालका अध्यक्ष कमल थापा २५ हजार ४ सय २० मत ल्याएर तेस्रो भए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
