नेपाल टेलिकममा ६० पदका लागि रोजगारीको अवसर, अनलाइन आवेदन खुला

नेपाल दूरसञ्चार कम्पनी लिमिटेड (नेपाल टेलिकम) ले ठूलो संख्यामा रिक्त रहेका पदहरू स्थायी पदपूर्तिका लागि खुला तथा समावेशी प्रतियोगितात्मक विज्ञापन आह्वान गरेको छ। लोक सेवा आयोगको सहमतिबमोजिम विभिन्न तह र सेवा समूहका ६० जना कर्मचारीका लागि दरखास्त माग गरिएको हो। कम्पनीको पदपूर्ति समितिले गोरखापत्रमा सूचना प्रकाशित गर्दै उप-प्रबन्धक (तह ९) देखि जुनियर टेक्निसियन (तह ३) सम्मका पदहरूमा योग्य नेपाली नागरिकहरूबाट अनलाइन आवेदन आह्वान गरेको हो।

कुन पदमा कति माग ?

• उप-प्रबन्धक (तह ९): १ जना
• वरिष्ठ इन्जिनियर (टेलिकम - तह ८): १ जना
• वरिष्ठ व्यापार अधिकृत (तह ८): १ जना
• वरिष्ठ लेखा अधिकृत (तह ८): १ जना
• टेलिकम इन्जिनियर (इलेक्ट्रोनिक्स एण्ड कम्युनिकेसन - तह ७): ३ जना
• टेलिकम इन्जिनियर (कम्प्युटर - तह ७): १० जना
• टेलिकम इन्जिनियर (इलेक्ट्रिकल - तह ७): ३ जना
• सहायक प्रशासकीय अधिकृत (तह ६): ९ जना
• सहायक व्यापार अधिकृत (तह ६): ८ जना
• सहायक लेखा अधिकृत (तह ६): २ जना
• ओभरसियर (तह ५): ३ जना
• टेलिकम टेक्निसियन (तह ४): ९ जना
• सहायक (तह ४): १७ जना
• जुनियर टेक्निसियन (तह ३): १२ जना
• शैक्षिक योग्यता र उमेर हदशैक्षिक योग्यता: सम्बन्धित पदअनुसार न्यूनतम १० कक्षा उत्तीर्ण, एसएलसी/एसईई, प्राविधिक तालिम, प्रमाणपत्र तह/डिप्लोमा देखि सम्बन्धित विषयमा स्नातक तथा स्नातकोत्तर तह उत्तीर्ण।
• उमेर हद:सहायक स्तर (तह ३, ४ र ५): १८ वर्ष पूरा भई ३५ वर्ष ननाघेको।
• अधिकृत स्तर (तह ६ र ७): २१ वर्ष पूरा भई ३५ वर्ष ननाघेको।
• अधिकृत स्तर (तह ८ र ९): २१ वर्ष पूरा भई ४० वर्ष ननाघेको।
• महिला तथा अपाङ्गता भएका उम्मेदवारको हकमा माथिल्लो उमेर हद ४० वर्षसम्म रहनेछ भने टेलिकमका बहालवाला स्थायी कर्मचारीलाई उमेर हद लाग्ने छैन।
• परीक्षा प्रणाली तथा दस्तुरपरीक्षा किसिम: लिखित र अन्तर्वार्ता (प्राविधिक सेवातर्फका तह-३ र तह-४ का प्राविधिक पदहरूमा प्रयोगात्मक परीक्षासमेत हुनेछ)। लिखित परीक्षा लोक सेवा आयोगबाट सञ्चालन हुनेछ।
• परीक्षा दस्तुर: तह ८ र ९ का लागि रु. ८००, तह ६ र ७ का लागि रु. ७००, तह ४ र ५ का लागि रु. ५०० तथा तह ३ का लागि रु. ३०० तोकिएको छ।
• समावेशी समूहतर्फ थप आवेदन दिन चाहेमा तहअनुसार रु. १०० देखि रु. २०० सम्म थप दस्तुर लाग्नेछ।

आवेदन दिने समय र प्रक्रियाइच्छुक उम्मेदवारले नेपाल टेलिकमको आधिकारिक वेबसाइट ntc.net.np वा recruit.ntc.net.np मार्फत अनलाइन फाराम भर्न सक्नेछन्। दरखास्त दिने अन्तिम मिति: २०८३/०८/०३ सम्म दोब्बर दस्तुर तिरी आवेदन दिने म्याद: २०८३/०८/१० सम्म फाराम भर्दा कुनै समस्या परेमा कम्पनीको फोन नम्बर ०१-४२१०४१५, ०१-४२१०४७३, ०१-४२१०४१६ वा इमेल recruit@ntc.net.np मा सम्पर्क गर्न सकिने टेलिकमले जनाएको छ।