नेकपा विप्लव समूहका मकवानपुर जिल्ला इन्चार्ज ज्वाला र मजदुर नेता सोम घलान पक्राउ परेका छन् । उनीहरुलाई मकवानपुर प्रहरीले उनीहरुलाई पक्राउ गरेको हो । जिल्ला प्रहरी प्रवक्ता डिएसपी बामदेव गौतमले उनीहरुलाई आवश्यक अनुसन्धानका लागि पक्राउ गरिएको जानकारी दिए ।
स्थानीय तहको निर्वाचन खारेज अभियान चलाइरहेको नेकपालाई सरकारले उच्च निगरानी गरिरहेकोे छ । ज्वाला पक्राउ भए लगत्तै नेकपाका जिल्ला सेक्र्रेटरी राम घलान ‘वाटर’ले बिना कारण आफ्नो नेता कार्यकर्ता प्रहरीले समातेर राम्रो काम नगरेको प्रतिक्रिया दिएका छन् । उनले तुरन्त रिहा गर्न प्रहरीलाई आग्रह गरेका छन् ।
