मकवानपुर जिल्लाको मकवानपुरगढी गाउँपालिका वडा नं ३ धमिलेफॉट स्थित तिमल्सीना कृषि तथा फलफुल फर्मले ५ विघा क्षेत्रफमा रहेको तरकारीबालाीमा क्षति पुगेको छ ।
यहि ३ वैशाखमा आएको हावाहुरी तथा पानीले फर्ममा लगाइएको कॉक्रो, हरियो फर्सी र फर्सीको मुन्टामा क्षति पुगेको फर्मका संचालक बद्री प्रसाद तिमल्सीनाले जानकारी दिए । जग्गा भाडामा लिएर व्यवसायिक तरकारी खेती गरिएको उक्त फर्मको तरकारी करिब ३० प्रतिशत क्षति भएको कृषि प्राविधिक चन्द्रकान्त चौधरीले जानकारी दिए । उक्त क्षति भएको तरकारीबालीमा करिब दुई लाख बराबरको क्षति पुगेको अनुमान गरिएको छ ।
हावाहुरीले मकै र चैते धान भर्खर लगाएको हुँदा त्यसमा भने खासै क्षति नभएको प्राविधिक चौधरीले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
