आसन्न स्थानीय तह निर्वाचनमा थाहा नगरपालिका-८ काे वडा अध्यक्ष पदमा स्वतन्त्र उमेदवारी दिएका टिकाराम रुम्बाले धारा चुनाव चिन्ह पाएका छन् ।
यसअघि २०७४ काे निर्वाचनमा नेकपा माओवादी केन्द्रबाट वडा अध्यक्ष जितेका रुम्बाले यस पटक पनि पार्टीको तर्फबाट वडाध्यक्ष पाउनु पर्ने दावी गरेका थिए । तर पार्टीबाट टिकट नपाएपछि उनले गत १२ बैशाखमा स्वतन्त्ररुपमा वडा अध्यक्ष पदमा मनाेनयन पत्र दर्ता गराएका थिए ।
१७ बैशाखमा थाहा नगरपालिकास्थित निर्वाचन अधिकृतकाे कार्यालयले रुम्बालाई धारा चिन्ह प्रदान गरेकाे हाे ।
चुनाव चिन्ह धारा पाएपछि थाहाटाइम्सशीत कुरा गर्दै वडा अध्यक्षका उमेदवार रुम्बाले भने, 'घरघरमा धारा पुर्याउने लक्ष्य हाे, धारा चुनाव चिन्ह पाएकाेमा खुशी छु ।' वडामा शिक्षा, स्वास्थ्य, कृषि र पूर्वाधार आफ्नाे प्राथमिकता रहेकाे उनले सुनाए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
