मकवानपुरको थाहा नगरपालिकामा मतगणना शुरु भएको छ । १ जेठ मध्यान्ह १२ बजेबाट मतगणना शुरु भएको निर्वाचन अधिकृत जीवन प्रसाद आचार्यले जानकारी दिए ।
कुल २७ हजार ६६७ मतदाता रहेको थाहामा ७५।७ प्रतिशत मत खसेको थियो । थाहामा कम मतदाता भएको वडाबाट मत गणना शुरु गरिएको निर्वाचन अधिकृत आचार्यले बताए । थाहा नगरपालिकामा ५ नम्बर वडाबाट मतगणना शुरु गरिएको हो । गणना शुरु गरिएको उक्त वडाको १ जेठ विहानै नतिजा आउने निर्वाचन कार्यालय थाहानगरले जनाएको छ ।
यसैबीच मकवानपुरकै बागमती गाउँपालिकामा पनि मतगणना शुरु भएको गाउँपालिकाका कार्यकारी अधिकृत भीम बहादुर परियारले जानकारी दिए । बागमतीमा १५ हजार ७६१ मतदातामा ११ हजार ४९२ मत खसेको छ । यो मत ७२.९ प्रतिशत हो ।
तामाङ,थाहा टाइम्स डटकमका संवाददाता हुन् । उनी मकवानपुरको थाहानगरमा रहेर पत्रकारिता गरिरहेका छन् ।
