स्थानीय तह निर्वाचन अन्तर्गत मकवानपुरको थाहा नगरपालिकामा नगर कार्यपालिकाका लागि आठ सदस्य निर्वाचित भएकाछन् ।१८ जेठमा भएको निर्वाचनबाट पाँच महिला सदस्य र तीन दलित वा अल्पसंख्यको तर्फबाट सदस्यमा निर्वाचित भएका हुन् ।
कार्यपालिकाको महिला सदस्यतर्फ नेपाली काँग्रेसकी उषा गमाल, नेकपा माओवादी केन्द्रकी कविता कार्की, जानुका ढकाल, सुन्तली माया गुरुङ र सोनिया सुनार निर्वाचित भए । त्यस्तै नगर कार्यपालिकाको दलित वा अल्पसंख्यकबाट नेपाली काँग्रेसका पुरुषोत्तम विश्वकर्मा, तारे कामी र रामपुकार दर्जी निर्वाचिचत भएको निर्वाचन अधिकृत जीवन प्रसाद आचार्यले जानकारी दिए । निर्वाचित पदाअधिकारीहरुलाई १८ जेठमै निर्वाचन अधिकृत जीवन प्रसाद आचार्यले सपथ ग्रहण गराएकाछन् । कार्यक्रममा नगर प्रमुख लवशेर विष्ट, उप प्रमुख खड्ग बहादुर गोपाली, वडाअध्यक्षहरुलगायतकाको आतिथ्य रहेको थियो ।
कार्यपालिकाको निर्वाचनमा पनि ३१ वैशाखको झै थाहानगरमा नेकपा माओवादी केन्द्र र नेपाली काँग्रेस गठबन्धनले विजय हासिल गरेको छ ।
थाहा नगरपालिकामा माओवादी केन्द्रको नगर प्रमुख सहित ३१, नेकपा एमालेको २६ र नेपाली काँग्रेसको उपमेयर सहित ५ सिट रहेको छ ।
महिला सदस्य तर्फ
उषा गमाल नेपाली काँग्रेस : ३४ (विजयी)
कोपिला वि.क., नेकपा एमाले : २६
चमेलीमाया वाइवा, नेकपा एमाले : २५
माइली गोले नेकपा, एमाले : २५
शारदा लामिछाने, नेकपा एमाले : २५
सुनिता दोङ नेकपा, एमाले : २५
कविता कार्की, नेकपा माओवादी केन्द्र : ३४ (विजयी)
जानुका ढकाल, नेकपा माओवादी केन्द्र : ३५ (विजयी)
सुन्तलीमाया गुरुङ, नेकपा माओवादी केन्द्र : ३४ (विजयी)
सोनिया सुनार, नेकपा माओवादी केन्द्र : ३५ (विजयी)
दलित वा अल्पसंख्यक सदस्य तर्फः
पुरुषोत्तम विश्वकर्मा नेपाली काँग्रेस : ३६ (विजयी)
कुमार कामी, नेकपा एमाले : २५
रमेश विश्वकर्मा, नेकपा एमाले : २५
लक्ष्मी विश्वकर्मा, नेकपा एमाले : २५
तारे कामी, नेकपा माओवादी केन्द्र : ३६ (विजयी)
रामपुकार दर्जी, नेकपा माओवादी केन्द्र : ३६ (विजयी)
तामाङ,थाहा टाइम्स डटकमका संवाददाता हुन् । उनी मकवानपुरको थाहानगरमा रहेर पत्रकारिता गरिरहेका छन् ।
